இனியாவது விழித்துக் கொள்வோமே…

-

நட்பு வட்டங்களே… இனியாவது விழித்துக் கொள்வோமே…

இன்ப அன்புடனும் நட்புடனும்…

இடைமருதூர் கி.மஞ்சுளா



எல்லா காலங்களிலும் எல்லா தீமைகளுமே நமக்குப் பலவற்றைக் கற்றுக் கொடுக்கின்றன.
குறிப்பாக, கரோனா நோய்த் தொற்று நமக்குப் புகட்டிய பாடங்கள் ஏராளம்… அதைக் கற்றதுடன் நிற்காமல் “நிற்க அதற்குத் தக” என்கிற திருவள்ளுவரின் குறளை (குரலை) செவிமடுத்து நடப்பது மிக மிக அவசியம்.

ஊரடங்கு அடங்கிய பிறகு உலக மக்கள்… குறிப்பாக நம் இந்திய மக்கள் (மட்டுமாவது) கடைப்பிடிக்க வேண்டிய 5 கட்டளைகள் அல்ல இவை. எதிர்காலத்தில் இந்தியா ஆரோக்கியமாகவும் செழுமையாகவும், வல்லரசாகவும் திகழ - இருக்க  வேண்டும் என்றால்… உடன்பிறவா சகோதரியான ஒருத்தி தாழ்மையுடன் வேண்டிக் கேட்டுக்கொள்ளும் 5 வேண்டுகோள் இவை.

யாதும் ஊரே… யாவரும் கேளிர்….(கேளீர்-கேளுங்கள்) என்பது உண்மையானால்……

11.   ஊடரங்கு தளர்த்தப்பட்டு,,, எல்லாக் கடைகளும் திறந்தவுடன் உடனே ஜவுளிக்கடைக்கும், நகைக்கடைக்கும், பிற அழகு சாதனப் பொருள்களை வாங்கவும் படையெடுப்பதைத் தவிர்க்கவும். இது முக்கியமாகப் பெண்களுக்குத்தான். ஆண்களின் (கணவரின்) வருமானத்தை நல்ல வழியில் பாதுகாத்து, ஆபத்துக் காலத்துக்கென சேமிக்கப் பழகுங்கள். பிறருக்குக் கொடுக்கவும் பழகுங்கள்.

22.   தேவையில்லாத சமையல் பாத்திரங்களையும், மரச் சாமான்களையும், அலங்காரப் பொருள்களையும், பிறவற்றையும் அடிக்கடி வாங்கி வீட்டில் அடைப்பதைத் தவிருங்கள்.

33. இரண்டு மாதங்களுக்குத் தேவையான மளிகைப் பொருள்களையும்,   இரு வாரங்களுக்குத் தேவையான காய்கறிகளையும் வாங்கி வைக்கத் தொடங்கினால், அநாவசியமாக அடிக்கடி வெளியில் செல்வதைத் தவிர்க்கலாம்.

44. மிக அவசியமாக… தேவை ஏற்பட்டால் மட்டுமே வெளிமாநிலங்களுக்கோ, பிற ஊர்களுக்கோ (ரயிலிலோ, பேருந்திலோ) பயணம் மேற்கொள்ளுங்கள். பயணம் என்பதே பயனுள்ளது என்பதைத்தான் குறிக்கும். நமக்குப் பயன்படக்கூடிய பயணமாக அது இருக்க வேண்டும். பயனற்ற…. தேவையற்ற பயணம் உடலுக்கும் உயிருக்கும், சேமிப்புக்கும் கேடு விளைவிக்கும்.

 5. குறிப்பாக ஆண்களுக்கு… இது. பள்ளி, கல்லூரி, வேலைக்குச் சென்று திரும்புவதைத் தவிர பிற நேரங்களில் பிறரோடு சாலைகளிலோ, பெரிய பெரிய மால்களிலோ, தியேட்டர்களிலோ, ரயில், பேருந்து நிலையங்களிலோ சுற்றித் திரிவதை காலத்தின் அருமை கருதி அவசியம் தவிர்க்கவும்.

இந்த 5  வேண்டுகோளையும் வருங்காலத்தில் நாம் (என் நட்பு வட்டமாவது) கடைப்பிடித்து, நம்மிடம் “இருப்பதே போதும்” என்கிற “திருப்தி” வந்துவிட்டால்… நாம்தான் இந்தியாவின் மிகப்பெரிய கோடீஸ்வரர்கள்…

இன்ப அன்புடனும் நட்புடனும்…
இடைமருதூர் கி.மஞ்சுளா


Comments

Post a Comment

Popular posts from this blog

மன அமைதி வேண்டுமா....

-
Image
"பெண்களின் கைப் பையில் என்ன இருக்கும்" என்று யாரிடமாவது நீங்கள் கேட்டுப் பாருங்கள். உடனே பதில் வரும் இப்படி:  பௌடர், கண்ணாடி, சீப்பு, பொட்டு, லிப்ஸ்டிக் இத்யாதி இத்தாதி...... ஆனால் என் கைப் பையில் எப்போதும் இருப்பது இரு நூல்கள். அப்படி, நான் எப்போதும் என் கைப்பையில் வைத்திருக்கும் புத்தகங்களில்  ஒன்று அன்பு நூல், மற்றொரு அறிவு நூல். அதாவது, திருவாசகம் அன்பு நூல், திருக்குறள் அறிவு நூல். இந்த இரண்டும் ஒரு மனிதனுக்கு மிகமிக அவசியம். இந்த இரு நூல்களை ஆழ்ந்து கற்று உள்வாங்கிக் கொண்டாலே போதுமானது. அவ்வாறு உள்வாங்கிக் கொண்டவர்கள் எதைப்பற்றியும் கவலைப்படமாட்டார்கள். உலகில் தனக்கு எந்தத் துன்பம் வந்தாலும் அதை இறைவன் செயல் அதுவும் சிவனின் செயல் என்று மௌனமாக ஏற்றுக்கொள்வார்கள். இதைத்தான் சைவ சித்தாந்தமும் போதிக்கிறது. எது நடந்தாலும் அது சிவன் செயல் என்று இரு. அவன் உடனாய் இருந்து எல்லாவற்றையும் நிகழ்த்திக் கொண்டிருக்கிறான். நாம் வெறும் கருவிதான் . இதுதான் சைவசிந்தாந்த உண்மை. எத்தகைய குழப்பத்தில் இருந்தாலும் இந்த இரு நூல்களில் ஏதாவது ஒன்றை எடுத்துப் புரட்டி, கண்ணில் பட்டதை வ...
Read more

தாவர உணவு தத்துவமும் வாழ்வியலும்

-
Image
தாவர உணவு தத்துவமும் வாழ்வியலும் - சைவத்தில்… (சைவ நெறி -அன்பு நெறி -   அருள்நெறி) இடைமருதூர் கி.மஞ்சுளா, எம்.ஏ., எம்ஃபில், . முன்னுரை        அன்பே கடவுள்   என்பதுதான் சைவத்தின் தலையாய மந்திரம். அன்பு, உயிரிரக்கம், ஜீவகாருண்யம், கருணை இவை அனைத்தும் சைவத்தின் ஒழுக்க நெறிகளாகும்.   சைவ சமயத்தின் தனிப்பெருங் கடவுளான அன்பே வடிவான சிவபெருமானை – ஆண்டவனை வணங்கும் அன்பர்கள், அவ்வன்பை இறைவனிடம் மட்டுமல்லாது, உலகில் உள்ள பிற உயிர்களிடமும் காட்டி, மனிதனாகப் பிறந்தவர்கள் தெய்வ நிலைக்கு உயரமுடியும் என்பதை வலியுறுத்தியது சைவ சமயம். கொல்லாமை, புலால் உண்ணாமையே சைவத்தின் ஒழுக்க நெறிகளுள் தலையாயது.   இந்நெறி வழி சைவத்தின் மாண்பையும், அன்பின் சிறப்பையும், ஜீவகாருண்யத்தின் அவசியத்தையும், தாவர உணவின் மகத்துவத்தையும் மேன்மைகளையும், தாவர உணவு தவிர்த்த புலால் உணவால் ஏற்படும் தீமைகளையும் விளக்குவதே இக்கட்டுரையின் நோக்கம். சமயமும் மதமும்        சமயம் வேறு, மதம் வேறு. மதம் என்னும் சொல், “கொள்க...
Read more

சிறுவர் கதைக் களஞ்சியம் -செல்லாக் காசு -

-
Image
தினமணி சிறுவர் மணியில் வெளியான "செல்லாக்காசு" என்ற  சிறுகதையை சாகித்ய அகாதெமியினர் தேர்வு  செய்து "சிறுவர் கதைக் களஞ்சியம்" என்னும்  நூலில் இணைத்திருக்கிறார்கள்.  அந்தக் கதையை என்னை எழுதத் தூண்டியது என் தாய் - தந்தை என்னிடம் கொடுத்த அன்றைய  காசுகள்தான். படத்தைப் பாருங்கள் புரியும்.  மேலும் அந்நூல் குறித்த ஆய்வுரையும் வழங்க என்னைப் பணித்திருக்கிறார்கள் சாகித்ய அகாதெமியினர். அவர்களுக்கு என் வாழ்நாள் முழுவதும் நன்றியைத் தெரிவித்துக் கொள்கிறேன். இந்தப் பேறு வேறு யாருக்குக் கிடைக்கும்.... மகாகவி  பாரதியார் , மறைமலையடிகள், பாரதிதாசன், பெரிசாமித்தூரன், கி.வா.ஜ.,  அழ.வள்ளிப்பா, தமிழ்ஒளி, வானதி திருநாவுக்கரசு,  வாண்டுமாமா  முதலிய எழுத்து ஜாம்பவான்களின் கதைகளுடன் என் கதையும் உள்ளது நெஞ்சை நெகிழச் செய்கிறது. (தாய்-தந்தை என்னிடம் தந்துவிட்டுச் சென்ற விலைமதிக்க முடியாத சொத்து இவை. 1975களில் இந்தக் காசுகளை வைத்துப் பொருள்களை வாங்கிய அந்த அனுபவம்,  நினைவு நெஞ்சைவிட்டு அகலாமல் இருக்கிறது.
Read more