முனைவர் இடைமருதூர் கி.மஞ்சுளா (பல்துறை எழுத்தாளர்)

மகனிடம் கற்ற பாடம் ! - இடைமருதூர்   கி . மஞ்சுளா (தினமணி - சிறுவர்மணி 1.6.2019) சாரதி மிகவும் சுட்டிப் பையன் , புத்திசாலிப் பையனும்கூட . அவனுடைய அம்மா } அப்பா இருவருமே வேலைக்குச் செல்பவர்கள் . அன்று ஞாயிற்றுக்கிழமை என்பதால் சாரதியின் அம்மா வாஷிங் மெஷினில் நிறைய துணிகளைத் துவைக்கப் போட்டிருந்தார் . அந்த நேரம் பார்த்து திடீரென்று கரண்ட் கட்டானது கண்டு அதிர்ந்தார் . " என்ன இது இப்படி ஞாயிற்றுகிழமையும் அதுவுமா கரண்ட் கட் ஆகுதே .. வாஷிங் மிஷன் போடணுமே ... குழம்புக்கு அரைக்கணும் ... எப்போதான் வருமோ ?' என்று புலம்பத் தொடங்கினார் . 5 நிமிடம் கழித்து கரண்ட் வந்துவிட்டது . உடனே வாஷிங் மெஷினை ஆன் செய்த அம்மாவின் அதிர்ச்சியான குரல் ஹாலில் உட்கார்ந்து வீட்டுப் பாடம் எழுதிக் கொண்டிருந்த சாரதிக்குக் கேட்டது .   " கரண்ட் வந்துடுச்சு ... ஆனால் , வாஷிங் மெஷின் ஓடலையே ... வாங்கி ஆறு மாதம்தானே ஆகுது ... ரிப்பேர் ஆயிடுச்சோ ... இப்ப துணிகளையெல்லாம் எப்படித் தோய்ப்பது ?' அம்மா டென்ஷனின் புலம...

திருவலிதாயம் திருநெறிய சிவனடியார் திருக்கூட்ட அறக்கட்டளையின் சார்பில் அப்பரடிகளின் ( சித்திரை - சதயம் ) குருபூஜையை முன்னிட்டு  " நலம் தரும் நாயன்மார்கள்   - பெருமவிழா ( நான்காம் ஆண்டு ) கடந்த 25.4.2019 முதல் 28.4.2019 வரை நடைபெற்றது . அதில்   ஞாயிறு மாலை பொன்னேரி குமாரி ஸ்ரீதேவி அவர்களின் கோச்செங்கட்சோழ நாயனார் பற்றிய தனி நடன நிகழ்ச்சி க்குத் தலைமை வகித்து,   நாட்டியமாடிய சின்னஞ்சிறு மழலையருக்கெல்லாம் சான்றிதழ் வழங்கியதில் பெருமகிழ்ச்சி அடைகிறேன் . இந்நிகழ்ச்சியில்   பாடி திரு சுப்பிரமணியன் , திரு . முத்துராமலிங்கம் , தெள்ளாறு மணி , கல்லாடர் விஸ்வ ஜோதி பொன் . சுந்தர வேலாயுதனார் , இடைமருதூர் கி . மஞ்சுளா போன்றோர் கலந்துகொண்டனர் . இடமிருந்து... அமர்திருப்பவரில் இரண்டாவதாக குமாரி ஸ்ரீதேவி, (நடன ஆசிரியை) தெள்ளாறு மணி, முத்துராமலிங்கம், இடைமருதூர் கி.மஞ்சுளா, விஸ்வஜோதி பொன் சுந்தர வேலாயுதனார், பாடி சுப்பிரமணியன் ஆகியோர்

இன்று காலை (6.4.2019) முனைவர் பா.இறையரசன் அவர்கள் குறுஞ்செய்தி மூலம் மூத்த தமிழறிஞர் சிலம்பொலியார் காலமானார் என்ற செய்தி அறிந்து மிகவும் வருந்தினேன். சாகித்ய அகாதெமியில் நடந்த குழந்தை இலக்கியம் தொடர்பான   நிகழ்ச்சியில் இடைமருதூர் கி.மஞ்சுளா பேசுகிறார் என்பதைப் பத்திரிகையில் பார்த்தவுடன் சென்னை வாகன நெரிசலையும் பொருட்படுத்தாமல் வந்தேன் என்று கூறினார். தன் உடல் நிலையையும் பொருட்படுத்தாமல் கடைசி வரிசையில் வந்து அமர்ந்து என் பேச்சைக் கேட்டு ரசித்ததுடன், அந்நிகழ்வில் எனக்கு திரு பூவண்ணன் அவர்களின் “குழந்தைப் பாடல்கள்” நூலை பரிசளித்து மகிழ்ந்ததை இன்று நினைத்தாலும் நெஞ்சம் நெகிழ்கிறது. அவர் மறைவு தமிழுலக்குக்கு மிகப்பெரிய இழப்பு.

இன்றைய தினமணியில் 4.3.2019

மார்கழி மகா உற்சவம்(2018) – நங்கநல்லூர் ரஞ்சனி சபாவில் திருவையாறு என்று கூறுவதற்குத் தகுந்தபடி 150 இளம் இசைக் கலைஞர்களின் இசைச் சங்கமம் செவிக்கும் கண்ணுக்கும் விருந்தளித்தது.  நங்கநல்லூரில் 2008 தொடங்கி, சாய் ஃபைன் ஆர்ட்ஸ் என்ற இசைப் பள்ளியை நடத்திவரும் நெல்லை மு.விநாயக மூர்த்தியின் சீடர்கள்தாம் இந்நிகழ்ச்சியை படைத்தளித்தனர். வீணை, சித்தார், கீபோர்டு, வயலின் முதலிய இசைக்கருவிகள் அனைத்தும் ஒரே நேரத்தில் ஒரு பாடலை இசைத்தது செவிக்கு விருந்தளித்தது. கண்ணுக்கும், கருத்துக்கும்தான். தியாகராஜரின் பஞ்சரத்ன கீர்த்தனைகள், தயானந்த சரஸ்வதி அவர்களின் கீர்த்தனை, திருப்புகழ், விநாயகர் பாடல், கிருஷ்ணன் பாடல் என்று செவியில் தேன் வந்து பாய்ந்தது.  இசைக் குடும்பத்தின் வழி வழியே வந்திருக்கும் திரு விநாயகமூர்த்தியின் தந்தை வி.முருகேசன் அவர்கள் ஓர் இசைக் கலைஞர் மட்டுமல்ல, நாடகக் கலைஞரும் கூட. தாய் வாய்ப்பாட்டு, வீணை இசைக் கலைஞர். நெல்லை விநாயகமூர்த்தி அவர்கள் சமீபத்தில் புதுக்கோட்டை இலக்கியப் பேரவை வழங்கிய “இசைக் கடல்” என்ற விருதை நானும் திருமதி வரலட்சுமி   ...

புதுகைத் தென்றல் டிசம்பர் 2018-இல் வெளியான "உண்மை தந்த பரிசு"  நூல் விமர்சனப் பார்வை.....அருமை